«Մենք ողջունում ենք ՀՀ վարչապետ Սարգսյանի խիզախ քայլը»,- անդրադառնալով երևանյան իրադարձություններին, մասնավորապես Սերժ Սարգսյանի հրաժարականին, Եվրոպայի խորհրդի խորհրդարանական վեհաժողովի (ԵԽԽՎ) գարնանային նստաշրջանի ընթացքում այսպես հայտարարեցին Հայաստանի հարցերով համազեկուցողներ Յուլյա Լյովիչկինան (Ուկրաինան) և Ջուզեպպե Գալատին (Իտալիա):
Ըստ համազեկուցողների՝ Սերժ Սարգսյանի քայլը հատկապես ողջունելի է այն պատճառով, որ նա իր այդ քայլով մեղմեց երկրում լարվածությունը. «Հույս ունենք, որ այս քայլը կտանի դեպի կառուցողական երկխոսության քաղաքական ուժերի միջև, որպեսզի գտնվի այս իրավիճակից տևական լուծման ճանապարհ՝ սահմանադրությանը դրույթներին համապատասխան»:
Միևնույն ժամանակ համազեկուցողները շեշտում են, որ բոլոր նրանք, որոնք ձերբակալվել են խաղաղ ցույցների ընթացքում, պետք է ազատ արձակվեն և քաղաքացիների՝ խաղաղ հավաքների իրականացման իրավունքը պետք է հարգվի և ապահովվի:
Համազեկուցողները, հղում կատարելով ՀՀ մարդու իրավունքների պաշտպանի զեկույցին, մտահոգություն են հայտնում, երկրում ատելության խոսքի աճի և անգամ ԶԼՄ ներկայացուցիչների նկատմամբ ոտնձգությունների մասին: Նրանք կոչ են անում հարգել քաղաքացիների հիմնարար իրավունքները:
Համազեկուցողների փոխանցմամբ՝ իրենք շարունակելու են մոտիկից հետևել Երևանում տեղի ունեցող իրադարձություններին:
Տաթև ՀԱՐՈՒԹՅՈՒՆՅԱՆ
