Օրերս պատգամավոր Վազգեն Սաֆարյանը հանդես եկավ հայտարարությամբ, թե ստեղծվում է նոր հասարակական կազմակերպություն՝ անվամբ «Ապրանքարդյունաբերողների շահերի պաշտպանության միություն»։ Դրանից հետո նա «Առավոտին» հավելյալ մանրամասներ ներկայացրեց։
-Այս նոր ստեղծվող միությունն իր ջանքերը կնպատակաուղղի ԱՊՀ երկրների համապատասխան կառույցների հետ հորիզոնական կապերի ստեղծման գործին, եւ ինչ-որ չափով մեր արդյունաբերության վերակենդանացմանը նպաստելուն։ Նման մի միություն էլ Ռուսաստանում է ստեղծվել, որի նախագահը Նիկոլայ Ռիժկովն է, նրա տեղակալը՝ Արկադի Վոլսկին։ Կարծես թե Հայաստանում էլ է անհրաժեշտություն առաջացել քով-քովի հավաքել արդյունաբերողների շահերը պաշտպանող բոլոր միություններին ու խմբերին, ու ստեղծել մեկ միասնական ոչ կառավարական կառույց։ Նրա միջոցով պետք է ակտիվորեն փորձ արվի ամրապնդել տնտեսական նախկին կապերը եւ առաջիկա մի քանի տարվա ընթացքում, քանի որ ռուսական շուկան Հայաստանի համար հիմնական շուկա է մնալու, էլ ավելի ինտեգրվել ու հարաբերությունները սերտացնել նրա հետ։ Այս պայմաններում, երբ Ռուսաստանում էլ վիճակը բավականին բարդ է, նրանք էլ են հակված իրենց ներքին շուկան կարգի բերել։ Այս առումով, կարծում եմ, առաջընթաց գործընթացները միանգամայն իրատեսական են։
-Բա ԳիԱրՔՄի-ն այսքան ժամանակ ի՞նչ չէր անում, որ դուք նոր որոշել եք անել։
-ԳիԱրՔՄի-ն քաղաքական կուսակցություն է, մեր հիմնելիքը՝ ոչ կառավարական, հասարակական կառույց։
Կարդացեք նաև
Ա. Զ.
