«Ես ասել էի, որ մեծ հարգանք ունեմ հնդիկ ժողովրդի նկատմամբ, բայց այդ մարդը, որ եկել է այստեղ, տնօրինում է մեր ազգային արժեքը՝ թող բարի լիներ իր երկրում մի շենք կառուցեր, որ իր ժողովուրդը փողոցում չքներ»,- կոմունիստ պատգամավոր Խորեն Սարգսյանն այսպես վերաշարադրեց «Արմենիա» հյուրանոցի կոլեկտիվի հետ հանդիպման ժամանակ իր խոսքերը, որոնց առնչությամբ իր վերջին հարցազրույցում դժգոհեց Ռոբերտ Քոչարյանը։ Նույն հանդիպման ժամանակ ՍԴՀԿ նահագահ Էռնեստ Սողոմոնյանն այս հայտարարությունն էր արել. «Հայ ժողովուրդը միշտ էլ Թեհլերյան կգտնի նրանց վերացնելու համար»։ Դրանով իսկ պրն Սողոմոնյանը վերջնականապես ցրեց հուսահատության եւ ապատիայի մթնոլորտը, որը տիրում էր հասարակության որոշ խավերում։
ՎԱՏ ԼՈՒՐ
Փետրվարի 10-ից Վրաստանում դադարեցվել է ռուսաստանյան OPT եւ PTP հեռուստաալիքների հեռարձակումը։ Դա պայմանավորված է ռուսաստանյան կողմի չվճարումներով։ Որոշ մասնագետներ այն կարծիքին են, թե դա կարող է անդրադառնալ Հայաստան եւ Ադրբեջան նշյալ հեռուստաալիքների հեռարձակման վրա նույնպես, քանզի Անդրկովկասում գլխավոր վերահեռարձակիչը գտնվում է Թբիլիսիում։
