Եվգենի Պրիմակովի՝ Ռուսաստանի վարչապետի պաշտոնից հրաժարականի առիթով «Առավոտին» տված հարցազրույցում ԱԺ պատգամավոր Կտրիճ Սարդարյանն ասաց. «Համենայնդեպս, ռուսական կողմնորոշում ունեցող երկրները պիտի տեսնեն եւ հասկանան, որ վճռական պահերին, նախագահից բացի, «հայտնի ուժեր» չեն լինում»։
Պրիմակովի հրաժարականին մեր քաղաքական գործիչների արձագանքը՝ 4-րդ էջում։
ԼԵՆՍԵՐ-ՍԱՄՍԵՐ
Կարդացեք նաև
Հերթական բացառիկ նմուշն է արտադրել ժողովրդական ֆոլկլորը։ Պարզվում է, որ Սամվել Բաբայանի կողմից հովանավորվող «Արցախ-Հայաստան» կուսակցության նախագահ Լենսեր (Լենինյան սեր) Աղալովյանը դիմել է զագսի բաժին, որպեսզի փոխվի իր անունը եւ դառնա Սամսեր։
ԵՎՍ ՄԻ ՕՐԻՆԱԽԱԽՏ
«Օրինաց երկրի» պես՝ «Հայրենիք» դաշինքն էլ է խախտել «Ընտրական օրենսգրքի» 21-րդ հոդվածի 6-րդ կետը եւ իր բուկլետի վրա չի նշել ոչ տպագրող կազմակերպության անվանումը, ոչ էլ տպաքանակը։
ՀԻՆ ԸՆԿԵՐՆԵՐԸ ՉԵՆ ԴԱՎԱՃԱՆՈՒՄ
Տավուշի թիվ 75 ընտրատարածքի պատգամավորության թեկնածու Վանո Սիրադեղյանի նախընտրական շտաբի ղեկավարը բանաստեղծ Իգնատ Մամյանն է։
ՆՈՐ ԽՈՐՀՐԴԱՐԱՆԻ ՆԻՍՏԸ՝ ՄԵԿ ԱՄՍԻՑ
Ըստ ՀՀ Սահմանադրության եւ ՀՀ Ազգային ժողովի կանոնակարգի, արդեն հայտնի է նոր ընտրվելիք խորհրդարանի գումարելիք առաջին նիստի օրը։ Սահմանադրությունը պահանջում է, որ դա տեղի ունենա հունիսին, իսկ կանոնակարգն էլ՝ որ նշյալ արարողությունն իրականացվի ընտրությունների պաշտոնական արդյունքների հրապարակմանը հաջորդելիք երկրորդ հինգշաբթի։ Ըստ ամենայնի, դա տեղի կունենա հունիսի 17-ին։
