Նորընտիր ԱԺ-ի առաջին իսկ նիստը ցույց տվեց, որ Սամվել Բաբայանի «Իրավունք եւ միաբանություն» դաշինքը այս իշխանության եւ, հետեւաբար, խորհրդարանական մեծամասնության սրտովը չէ։ Խոհեմաբար ԱԺ հանձնաժողովների նախագահների տեղեր հատկացնելով ԱԺՄ-ին, Դաշնակցությանը եւ Կոմկուսին, մեծամասնությունը ցուցադրաբար մերժեց նույն ձեւով «հարգել» նաեւ «Իրավունքն ու միաբանությունը»՝ ի դեմս Հրանտ Խաչատրյանի, եւ «Օրինաց երկիրը»՝ ի դեմս Արթուր Բաղդասարյանի։ Մնում է սփոփվել Տիրոջ խոսքով՝ չկան մարգարեներ սեփական հայրենիքում։
Անդրանիկ Մանուկյանը
Կարդացեք նաև
ՀՀ նախագահն ու ուժային նախարարը ԱԺ միջանցքում այնպես էին վրա քշել այդ գործարար պատգամավորի վրա՝ իր բարեգործության համար, որ մեր թղթակիցները սկսեցին կասկածել՝ արդյո՞ք Հայաստանում ձեւավորվել է գործարարների անկախ դասակարգ, որն իր արարքների համար հաշվետու է միայն օրենքի, այլ ոչ թե երկրի ղեկավարների առաջ։ Մենք սկսեցինք նույնիսկ ենթադրել, որ ցանկացած գործարարի մոտ կարող է մտնել «հարկայինը» կամ «վեցը» եւ այնպես անել, որ այդ գործարարը շատ-շատ ափսոսա իր անհաշվենկատ քայլերի համար։
«Օրագիր» թերթը
Ընտրություններն ավարտվեցին թե չէ, իշխանությունը որոշեց փակել իր նյարդերի վրա չափից դուրս ազդող այդ պարբերականը։ «Օրագիր» թերթի եւ տիար Բլեյանի քաղաքական հայացքներն ինձ դուր չեն գալիս։ 95-97 թվականներին նույնքան չէի հավանում «Երկիր», «Ազատամարտ» թերթերի, ինչպես նաեւ Հրանտ Մարգարյանի ու Վահան Հովհաննիսյանի քաղաքական հայացքները։ Այդ երկու ծայրահեղություններն, ըստ իս, միեւնույն երեւույթի տարբեր կողմերն են։ Բայց մենք սատարում էինք եւ սատարում ենք նշված գործիչներին ու թերթերին, որպեսզի նրանք կարողանան իրենց հայացքներն ազատորեն արտահայտել։
ԱՐԱՄ ԱԲՐԱՀԱՄՅԱՆ
