ԶԼՄ-ների եվրոպական ինստիտուտի դիտորդների հետ զրույցում «Ձայն ժողովրդի» թերթի գլխավոր խմբագիր Նարեկ Մեսրոպյանը խոստովանել էր. «Ժողովրդական կուսակցության ղեկավարությունն ամեն օր իր դժգոհությունն է արտահայտում մեզնից, հատկապես՝ «Միասնության» կազմավորումից հետո։ Նրանք չեն ուզում, որ մենք քննադատենք նախագահին կամ կառավարությանը (Սարգսյանին)»։ «Հայքի» գլխավոր խմբագիր Արմեն Բաղդասարյանը վկայել էր, որ ՀՀՇ-ի հետ բախումներ է ունեցել որոշ լուսաբանումների առնչությամբ։ Ասենք, ղեկավարությունը դժգոհել էր, երբ «Հայքը» գրել էր ՀՀՇ-ի ներսում ծայր առած հակասությունների մասին։
Դեռ մայիսին արված այս խոստովանությունները որոշակի բացատրություն են, թե ինչու առժամանակ անց երկու թերթերն էլ դադարեցին լույս տեսնել։
Կարդացեք նաեւ՝ էջ 3։
ՖԱԼՇՍՏԱՐՏ-2
Կարդացեք նաև
Նախատեսվում էր, որ երեկ 1992-1995-ին էներգակիրների ներկրման եւ այլ փաստերն ուսումնասիրող հանձնաժողովը վերջապես պիտի ընտրեր հանձնաժողովի նախագահ եւ փոխնախագահ, որոնք կսկսեին կազմակերպել աշխատանքները։ Սակայն երեկ էլ որեւէ մեկը չնախաձեռնեց, որ հանձնաժողովի անդամները հավաքվեն ու նիստ գումարեն։ Իսկ Արշակ Սադոյանն առայժմ համեստորեն խուսափում է ավելորդ ակտիվություն ցուցաբերել։
ԿՐԿՆԱԿԻ ԹԱՆԿԱՑՈՒՄ
«Առավոտին» հայտնի դարձավ, որ օդանավակայանում չուղեկցվող բեռներից սկսել են գանձել 1 կգ-ի համար 4 դոլար, նախկին 2 դոլարի փոխարեն։ Մինչդեռ իրազեկները պնդում են, որ շատ երկրներում նման վարձավճարներ սահմանված չեն ընդհանրապես։
