«Այն հանգամանքը, որ Նաիրի Հունանյանի եւ մյուսների կողմից հոկտեմբերի 27-ին խորհրդարանի նիստերի դահլիճում իրականացված տեռորիստական ակտը կատարվել է ԱԺ պատգամավոր Մուշեղ Մովսիսյանի դրդմամբ եւ կազմակերպմամբ՝ հիմնավորվել է գործով մեղադրյալ Հունանյանի ցուցմունքներով, ինչը նա պնդել է Մուշեղ Մովսիսյանի հետ առերես հարցաքննության ժամանակ։ Ինչպես նաեւ մեղադրյալներ Կարեն Հունանյանի եւ Էդիկ Գրիգորյանի ցուցմունքներով եւ նախաքննությամբ ձեռք բերված այլ ապացույցներով»,- սա հատված է գլխավոր դատախազ Աղվան Հովսեփյանի հոկտեմբերի 27-ից ճիշտ երկու շաբաթ անց ԱԺ-ում հրապարակված միջնորդագրից։
Կարդացեք էջ 3։
ԷԼԻ՞ ԹԱՏԵՐԱԿԱՆԱՑՎԱԾ ՄԱՀԱՓՈՐՁ, ԹԵ՞ ՎԱԽԵՑՆԵԼՈՒ ՓՈՐՁ
1998-ի հունվարի ձեռագիր
Կարդացեք նաև
Երեկ առավոտյան արտադրական ենթակառուցվածքների գործունեությունը համակարգող նախարար Վահան Շիրխանյանի տան շեմին նռնակ է հայտնաբերվել։ Այն բացարձակ անվնաս է եղել այն իմաստով, թե որեւէ մեխանիզմ չի գործադրվել պայթեցում ապահովելու համար։ Միջադեպի քննությունը վարում է Երեւանի քաղաքային դատախազությունը։
ՄԱՍՆԱԿԻՑ Է ՆԱԵՎ ՀԱԲ-Ը
Նաիրի Հունանյանն ԱԺ նիստերի դահլիճից զանգահարել էր նաեւ ոմն Ռազմիկի, որն այդ պահին տանը չէր։ Իրազեկ աղբյուրներից տեղեկացանք, որ խոսքը ՀԱԲ-ի նախկին հրամանատար Ռազմիկ Վասիլյանի մասին է, որի հետ դեռ 3 ամիս առաջ էր հանդիպում ունեցել եւ կատարվածը ծրագրել Նաիրի Հունանյանը։
ՈՒԺԱՅԻՆՆԵՐԸ՝ ԿՌՎԱԽՆՁՈՐ
Ռոբերտ Քոչարյանը հաստատակամ է, թե բանակից որեւէ մեկի չի նշանակելու ուժային նախարար։ Նշելով, թե սա անձի խնդիր չէ՝ նա պատրաստակամություն է հայտնել այդ պաշտոնների նշանակել ներկայիս ցանկացած փոխնախարարի, մասնագետի եւ կադրային սպայի, որը քաղաքական գործչի համարում չունի։ Մինչդեռ բանակը պնդում է ԱԱ նախարարի պաշտոնում մե՛կ Անդրանիկ Քոչարյանի, մե՛կ Վյաչեսլավ Հարությունյանի, մե՛կ բանակի հակահետախուզության պետ Բեսոյի թեկնածությունը, որն, ի դեպ, կադրային սպա է։ Փոխզիջում է հնարավոր ՆԳ նախարարի պաշտոնի շուրջ։
