Ձորագյուղը, երկու օր է, զրկված է գազամատակարարումից՝ վարձավճարները չմուծելու պատճառով։ Մոտ 1000 բնակիչ ունեցող Ձորագյուղում միայն մեկ տանը կար կապույտ հրաշքը եւ այդ տունը պատգամավոր, «Կայունություն» խմբակցության ղեկավար, արտաքին հարաբերությունների հանձնաժողովի նախագահ Հովհաննես Հովհաննիսյանի տունն է։ Պատճառն այս դեպքում եւս պարզ է՝ պարոն Հովհաննիսյանի տունը առանձին գծով միացած է ընդհանուր գազատարին։
«ԵՐԵՎԻ ԸՆԴՀԱՆՐԱՊԵՍ ՆԱԽԱԳԱՀԻՆ ԿՈՒՏԵՆ»
«Ես կտրականապես դեմ եմ հանրաքվեի, եթե ինքնանպատակ ինքնապաշտպանության համար ԱԺ-ն պետք է Սահմանադրական փոփոխությունները դնի հանրաքվեի, ես դրան դեմ եմ։ Եթե նախագահը այսօր այսքան շատ լծակներ ունի եւ դրանք չի կարողանում օգտագործել, ի՞նչ կլինի, եթե վաղը քիչ լծակներ ունենա։ Այդ ժամանակ երեւի ընդհանրապես նախագահին կուտեն»։
Կարդացեք նաև
ԱԺ անկախ պատգամավոր Մանուկ Գասպարյանի հետ հարցազրույցը կարդացեք վաղվա «Առավոտում»:
ԲԺԻՇԿ, ԲԺԻՇԿ, ԳՆԱ ՆՐԱՆՑ ՏՈՒՆ
Այս օրերին Երեւանի հիվանդանոցներից մեկում բուժման կուրս է անցնում ԼՂՀ ԱԺ նախագահ Օլեգ Եսայանը։ Հիվանդանոցում է նաեւ ՀՀ պաշտպանության փոխնախարար Աստվածատուր Պետրոսյանը, որն էլ ոտքն է կոտրել։
ՎԱՀԱՆԸ «ՇԱՆԹԱՀԱՐՎԵՑ»
«Վազգեն Սարգսյանի վրա ես հիմա գործ տալի՞ս»,- երեկ դատաքննության ժամանակ պոռթկաց ցեղակրոն Շանթ Հարությունյանը, որին դուրս հրավիրեց դատավոր Ռ. Թովմասյանը։ Հեռանալիս Շանթը բարձրաձայն ասաց. – Վահան, Շանթն էր։ – Էղավ, Շանթ,- հետեւեց պատասխանը…
