Փաստաբան Կրոմվել Գրիգորյանը երեկ չներկայացավ Կենտրոն եւ Նորք-Մարաշ համայնքների առաջին ատյանի դատարան, ուր իր եւ քաղաքացի Տարոն Նիկողոսյանի նկատմամբ հարուցված քրեական գործի դատաքննությունը պիտի ընթանար։ Առայժմ տեղեկացնենք, որ նախագահող դատավորը Սարո Արամյանն է, մեղադրողը՝ Պերճ Տեր-Հարությունյանը (վերջինիս «Նիկոլի գործով դատախազ» էլ են անվանում)։ Նախորդ օրը փաստաբան Կ. Գրիգորյանը միջնորդություն էր ներկայացրել դատարանին, տեղեկացրել, որ չի կարող ներկայանալ դատական նիստին՝ Արմավիրում այլ դատ ունենալու պատճառով, խնդրելով, որ դատական նիստը նշանակվի փետրվարի 25-ին։
Դատարանը մերժել էր տվյալ դեպքում ամբաստանյալ Կ. Գրիգորյանի միջնորդությունը։ Իսկ, օրինակ, մեղադրողը միջնորդեց նույնիսկ Կ. Գրիգորյանի խափանման միջոցի հարցը լուծել։ Դատարանը բերման մասին որոշում կայացրեց եւ դատական նիստը նշանակեց փետրվարի 23-ին։ Նկատենք, որ վերջին տասնամյակում սա առաջին դեպքն է, երբ գործող փաստաբանի նկատմամբ փաստացի քրեական գործ է հարուցվում, երբ միջնորդվում է նույնիսկ նրա խափանման միջոցը փոխել։ Սակայն, ինչպես ասում են՝ մեր իրականության մեջ ամեն ինչ հնարավոր է եւ չզարմանալին, թերեւս, զարմանալն է։
ՀԵՏՈ ԱՍՈՒՄ ԵՆ՝ ԼՅՈԽ ԼԱՎ Ա
Կարդացեք նաև
Լեռնային Ղարաբաղի Ազգային ժողովն անհամբերությամբ սպասում է Հայաստանի բյուջեի ընդունմանը, որպեսզի ինքն էլ ԼՂՀ-ի բյուջեն հաստատի. հայտնի է, որ ԼՂՀ բյուջեի հիմնական աղբյուրը Հայաստանն է։ Ի դեպ, ՀՀ կառավարության ներկայացրած բյուջեի նախագծում Ղարաբաղի համար նախատեսված է 9,5 միլիարդ դրամ (նախորդ տարվա 9 միլիարդի փոխարեն)։
Սեփ. լր.
