Ե՞րբ եւ ո՞վ է ասել. «Մենք, իհարկե, պետք է փորձենք միս ու արյուն լցնել դեկտեմբերի 1-ի որոշման մեջ, բայց այդ որոշումը դեռ երկար ժամանակ իրականացնել հնարավոր չի լինի։ Նույնիսկ ավելին, որոշ դեպքերում կօգտագործվի մեր դեմ։ Այդ որոշումը եւ նրա իրականացման ուղղությամբ տարվելիք հնարավոր աշխատանքները պետք է համարել առայժմ մեր ներքին գործը՝ չթմբկահարելով այն ուրիշների մոտ։ Արտաքին աշխարհին Արցախի հարցը պետք է շարունակի ներկայանալ իր բնական տեսքով, այսինքն՝ որպես մի հարց, որի հիմքում ընկած է ազգերի ինքնորոշման սկզբունքը եւ մարդու իրավունքների պաշտպանության սկզբունքը, առանց կապելու այդ հարցը Հայաստանի հետ»։
ՆԱԽՈՐԴ
Որեւէ մեկը չգուշակեց, որ 1999-ին Անդրանիկ Մանուկյանն էր ասել. «Բերեք գոնե մեկ օրինակ, եթե որեւէ բանկ նպաստել է երկրի տնտեսության զարգացմանը։ Նրանք զբաղված են պետության հետ բարձր տոկոսային առեւտրով եւ տարադրամի փոխանակությամբ։ Լավագույն դեպքում՝ մեր փողերն են փոխանցում ապրանք ստանալու համար։ Բավակա՞ն չէ, որքան դրանք հարստացել են պետության ու ժողովրդի հաշվին»։
