ՇԻՐԻՄՆԵՐԸ՝ ԱՆՄԽԻԹԱՐ ՎԻՃԱԿՈՒՄ «Ազատամարտիկների եւ կանանց վետերանների միություն» հասարակական կազմակեպությունը մինչեւ Ստեփանավանի մասնաճյուղի հիմնադիր ժողովում որոշում ընդունելը այցելել էր Ստեփանավանում հանգչող արցախյան ազատամարտում զոհված ազատամարտիկների եղբայրական գերեզմանոց եւ տեսնելով շիրիմների անմխիթար վիճակը, որոշել է բարեկարգման աշխատանքներ իրականացնել։ Ստեփանավանում ամփոփված են 12 ազատամարտիկներ։ Այնտեղ հուշաքար դրվեց հերոսներից մեկի՝ Լյուդվիգ (Ռոման) Խաչանյանի շիրիմին եւ նրան հետմահու շնորհվեց ԱԿՎՄ անդամի պատվավոր կոչում։ Վերջերս այդ կապակցությամբ տեղի ունեցավ հիշատակի հավաք, որին իրենց հարգանքի տուրքն էին եկել մատուցելու Ազատամարտիկների եւ կանանց վետերանների միության նախագահությունը, միության անդամները, Լոռու մարզի ղեկավարները, զոհվածների հարազատները։ Իր ելույթում միության նախագահ Միհրան Մովսիսյանը նշեց, որ իրենք որոշել են կազմակերպության 44 մասնաճյուղերի միջոցով ստանձնել հանրապետության տարբեր վայրերի եղբայրական գերեզմանների բարեկարգման եւ մաքրության աշխատանքների իրականացումը, վառ պահելով հայրենի երկրի ազատության մարտերում զոհված ազատամարտիկների հիշատակը։ ՆԵԼԼԻ ՄԿՐՏՉՅԱՆ