ԲԱՆՏԱՅԻՆ ՀԻՎԱՆԴԱՆՈՑՈՒՄ Երեկ բանտային հիվանդանոց այցելեցին Հետաքննող լրագրողների ընկերակցության նախագահ, լրագրող Էդիկ Բաղդասարյանը եւ «Առավոտ» օրաթերթի լրագրող Ռուզան Մինասյանը։ Նրանք հանդիպեցին հիվանդ դատապարտյալների հետ։ «Վերսուս» ստուդիան Ամանորի անակնկալ էր պատրաստել դատապարտյալների համար՝ նրանց հեռուստացույց, գրքեր եւ թերթեր նվիրելով։ Դատապարտյալներից Վրեժ Վարդանյանը (ի դեպ, սպիդակիր, որի մասին «Առավոտն» անդրադարձել է) շնորհակալություն հայտնեց անակնկալի համար, ինչպես նաեւ «Առավոտին»՝ «սպիդակիր դատապարտյալների պրոբլեմն առաջ քաշելու համար»։ Դատապարտյալ Արայիկ Գեւորգյանը իր շնորհակալությունը հայտնեց բանաստեղծությամբ (հուզվեցինք բոլորս). «Անբախտ կյանքն է գրել Թաթը, Գրեցի բռնված վախտը։ Աջ ձեռքից վիրավոր տղան Ձախ ձեռքով գրեց, իմացեք… Օձի աստղի տակ ծնված է Ողջ կյանքը սիրահարված է»։ Սեփ.լր.