![\"\"](\"https://www.aravot.am/2008/aravot_arm/July/25/p1.jpg\")
Հայաստանի քաղաքագետների միության նախագահ Հմայակ Հովհաննիսյանը երեկ «Իրավունք դե ֆակտո» ակումբում պնդել է, որ խորհրդարանի ընտրությունից առաջ երբ «Ազգային միաբանության» նախագահ Արտաշես Գեղամյանը հայտարարեց, թե Սերժ Սարգսյանը ցանկացել է ֆիզիկապես վերացնել Գագիկ Ծառուկյանին՝ կատարել է Արմեն Գեւորգյանի պատվերը: Այսինքն՝ Գեղամյանը խոսելով այդ մասին, կատարել է այն ժամանակ ՀՀ նախագահ Ռոբերտ Քոչարյանի աշխատակազմի ղեկավար Գեւորգյանի հանձնարարականը: Հմայակ Հովհաննիսյանը, ըստ lragir.am-ի, նշել է, թե դրա նպատակը եղել է այն, որ «Բարգավաճ Հայաստանին» տրվեր ՀՀԿ-ին ընդդիմադիրի կերպար եւ այն ձայն տաներ բողոքական զանգվածից: Դրա նպատակը, ըստ քաղաքագետի, այն էր, որ Ռոբերտ Քոչարյանը ԲՀԿ-ի միջոցով խորհրդարանում ձեւավորեր իր մեծամասնությունը կամ գոնե լուծեր մինիմում ծրագիրը: Հմայակ Հովհաննիսյանը նշել է, թե Գեղամյանը Գեւորգյանի
այդ հանձնարարությունը կատարել է լավ:
