![\"\"](\"https://www.aravot.am/2009/aravot_arm/April/3/p16.jpg\")
ԱՄՆ-ում գրեթե 3 անգամ բարձրացել է ծխախոտի դաշնային հարկը: Այժմ վերջինիս բաժինը մեկ տուփի մեջ գերազանցելու է $1-ը: Հարկի նման բարձրացումը ամենամեծն է երկրի ողջ պատմության մեջ: Մեծանալու է ոչ միայն ծխախոտի, այլեւ սիգարների, ծխամորճների եւ ծամելու թութունի հարկը: Ինչպես հաղորդում է BBC-ին, ԱՄՆ նախագահ Օբամայի վարչակազմը գոյացած միջոցները պատրաստվում է օգտագործել չունեւոր խավերի բժշկական ապահովագրության ծրագիրն իրականացնելու համար: Առողջ ապրելակերպի կողմնակիցները գտնում են, որ ծխախոտի թանկացումը ճգնաժամի պայմաններում կօգնի ամերիկացի ծխամոլներին ազատվել վտանգավոր եւ թանկարժեք սովորությունից: Սիգարետ արտադրողները առայժմ որեւէ ձեւով չեն մեկնաբանել հարկի բարձրացումը, սակայն մի քանի շաբաթ առաջ նրանք արդեն իսկ բարձրացրել են ծխախոտի գները: Հարկերի շեշտակի բարձրացումը ԱՄՆ Կոնգրեսի առաջին քայլն է ծխելու դեմ լայնամասշտաբ կամպանիայի մեջ:
