Շախմատի միջազգային ֆեդերացիան (FIDE) հրապարակել է ուժեղագույն գրոսմայստերների վարկանիշային դասակարգման հուլիս ամսվա ցուցակը, որում Հայաստանի լավագույն շախմատիստ, շախմատի համաշխարհային օլիմպիադայի կրկնակի հաղթող Լեւոն Արոնյանը 2768 գործակցով զբաղեցնում է չորրորդ հորիզոնականը:
Նրան գերազանցում են միայն ըստ հերթականության առաջին եռյակը կազմող բուլղարացի Վեսելին Տոպալովը՝ 2813, աշխարհի գործող չեմպիոն, հնդիկ Վիշվանաթան Անանդը՝ 2788, եւ նորվեգացի Մագնուս Կարլսենը՝ 2772:
Մեր հանրապետության եւս երկու գրոսմայստերներ տեղ են զբաղեցնում աշխարհի 100 լավագույնների շարքում: Վլադիմիր Հակոբյանը 2712 միավորով 25-րդն է, իսկ Գաբրիել Սարգսյանը 2667 միավորով՝ 64-րդը:
