![\"\"](\"https://www.aravot.am/2009/aravot_arm/September/29/p18.jpg\")
Լիբիայի նախագահ Մուհամար Քադդաֆին անցած շաբաթ օրը ելույթ է ունեցել Վենեսուելայի Մարգարիտա կղզում տեղի ունեցած «Հարավային Ամերիկա-Աֆրիկա» 2-րդ գագաթաժողովում եւ Հարավատլանտյան ռազմական միություն ստեղծելու կոչ է արել: Իր ելույթում Քադդաֆին քննադատել է «տերերի եւ ստրուկների հարաբերությունները», որոնք, նրա կարծիքով, հաստատվել են «Հարավի նկատմամբ՝ հյուսիսի կողմից»: «Հարավում են կենտրոնացած հարստությունները, հանքահորերը, բայց դրանք օգտագործվում են հյուսիսի կողմից»,- ասել է Լիբիայի առաջնորդը՝ կարծիք հայտնելով, թե «բոլոր արտոնություններից օգտվող հյուսիսային պետություններից» հարավամերիկյան եւ աֆրիկյան պետությունների շահերի պաշտպանության համար անհրաժեշտ է ստեղծել հարավատլանտյան ռազմական դաշինք՝ ՆԱՏՕ-ի նմանությամբ:
«ԼՁԸՀ-ՁԸհհ»-ի մատուցմամբ, Քադդաֆիի առաջարկը պաշտպանել է Վենեսուելայի նախագահ Ուգո Չավեսը: Երկու առաջնորդները միասին դիմել են Հարավային Ամերիկայի եւ Աֆրիկայի 30 երկրներին՝ միավորվելու եւ ամրապնդելու իրենց տնտեսական եւ քաղաքական կապերը: Գագաթաժողովում Լատինական Ամերիկայի եւ Աֆրիկայի պետությունները նաեւ հայտարարություն են ընդունել, որով ԱՄՆ-ից պահանջել են վերջ տալ Կուբայի նկատմամբ 50 տարի շարունակվող առեւտրային եւ ֆինանսական շրջափակմանը՝ այն համարելով միջազգային իրավունքը խախտող գործողություն: