Հռոմի պապ Բենեդիկտոս 16-րդը հանդիպել է Մալթայում եկեղեցականների սեքսուալ հետապնդումների ենթադրյալ զոհերի հետ եւ հայտարարել է, որ բոլոր ջանքերը կգործադրի մեղավորներին պատժելու համար: Lenta.ru-ի մատուցմամբ, այդ հանդիպումը տեղի է ունեցել կիրակի օրը: Ի դեպ, Հռոմի կաթոլիկ եկեղեցու առաջնորդը Մալթայում է նշել իր ծննդյան 83-րդ տարեդարձը:
Հիշեցնենք, որ Մալթայի երեք հոգեւորականներ մեղադրվում են 1980-1990-ականներին որբ երեխաների նկատմամբ սեքսուալ հետապնդումների մեջ: Մինչ այդ, Պապը մանկապիղծ հոգեւորականների թեման ուղղակիորեն շոշափել էր մարտ ամսին, երբ բաց նամակով դիմել էր Իռլանդիայի կաթոլիկներին: Իռլանդիայում բացահայտվել էին մանկահասակ կաթոլիկների նկատմամբ հոգեւորականների կողմից անցած մեկ տասնամյակի ընթացքում իրականացված սեքսուալ հետապնդումների հազարավոր փաստեր, որոնց առնչությամբ Բենեդիկտոս 16-րդը հայտարարել էր, թե ինքը ապշած է:
