![\"\"](\"https://www.aravot.am/2010/aravot_arm/September/28/p20.jpg\")
Շախմատի աշխարհի 13-րդ չեմպիոն, Ռուսաստանի հայտնի ընդդիմադիր Գարի Կասպարովը ժամանել է Խանտի Մանսիյսկ՝ ՖԻԴԵ-ի նախագահի թեկնածու, աշխարհի 12-րդ չեմպիոն Անատոլի Կարպովի նախընտրական արշավին մասնակցելու համար, ըստ news.am-ի, այս մասին հաղորդում է «Յուգրա-Ինֆորմը»: Կարպովի արշավին նվիրված ստենդի մոտ ամեն օր աժիոտաժ է, Կարպովն ինքնագրեր է բաժանում, լուսանկարվում է եւ զրուցում հյուրերի հետ: Կարպովն իր նախընտրական արշավի ընթացքը գերազանց է գնահատել. «Ես չեմ կասկածում իմ հաղթանակին»,- լրագրողներին ասել է Կարպովը: Թեկնածուն հերքել է տեղեկատվությունը, թե իրեն ընդամենը երկու տասնյակ ֆեդերացիաներ են պաշտպանում: Հաղթանակի համար անհրաժեշտ է 82 երկրի ձայն:
Կարպովը հայտարարել է, որ իրեն աջակցողների թվի մասին տեղեկությունը վաղուց հնացել է, պարզապես այժմ արդեն թիվ չի հրապարակում՝ Կիրսան Իլյումժինովի ճնշումներից խուսափելու համար:
