Շաբաթ օրը ահազանգ է ստացվել, որ Երեւանի Հաղթանակ թաղամասում՝ «Երեւանյան բազալտ» ՍՊԸ-ի տարածքում, տեղի է ունեցել պատի ինքնափլուզում: Ինքնափլուզվել էր խճահատիկի էլեւատորի երկաթբետոնե կոնստրուկցիան, ինչից գործարանի աշխատակիցներ՝ 37-ամյա Սլավիկ Ղազարյանը տեղում զոհվել է, իսկ 31-ամյա Արտյոմ Ղազարյանը ստացել ձեռքի կոտրվածք եւ, մինչ փրկարարների ժամանումը, տեղափոխվել է «Մալաթիա» բժշկական կենտրոն:
Ըստ հերթապահ բժշկի գնահատման՝ Ա. Ղազարյանի առողջական վիճակը միջին ծանրության է:
