Ամանորի նախաշեմին Տավուշի մարզում արքայանարինջը (կորոլյոկը) բավական թանկ է`մեկ կգ-ն՝ 300 դրամ: Արեւադարձային մրգեր ներկրողները դա բացատրում են Վրաստանում վաղահաս ցրտահարությամբ, որի պատճառով կորոլյոկի բերքի մեծ մասը ծառերի վրա ցրտահարվեց:
Առեւտրականների վկայությամբ՝ իրենք նախորդ տարիներին վրացական Մառնեուլիում արքայանարնջի կիլոգրամը գնում էին 40-50 դրամով, հիմա` 220-230 դրամով (մի լարիով): Հայ առեւտրականներն էլ օգտվելով այս մրգի պակասից, իրենց հերթին են գին ավելացնում:
Վրաստանում հանկարծահաս ցրտահարության պատճառով Տավուշում թանկ է նաեւ կանաչին: Նախորդ տարի մի կապ կանաչին Ամանորի շեմին վաճառվում էր 200, հիմա` 300 դրամով:
Ոսկան ՍԱՐԳՍՅԱՆ
Կարդացեք նաև
