Այսօր արգենտինահայ թենիսիստ Դավիթ Նալբանդյանի ծննդյան օրն է: Նա դառնում է 30 տարեկան:
Դավթի հայրը հայ է, մայրը՝ իտալուհի: Ու, չնայած, նա ծնվել է Արգենտինայի երկրորդ խոշոր քաղաքում՝ Կորդոբայում եւ դաստիարակվել արգենտինյան հայրենասիրության ոգով, սակայն իրեն հայ է համարում: Նա մի քանի տարի առաջ հատուկ եկել էր Հայաստան՝ ծանոթանալու իր պատմական հայրենիքին: Մեկնելուց առաջ Դավիթ Նալբանդյանը խոստացավ, որ առաջին իսկ հնարավորության դեպքում անպայման էլի կգա Հայաստան: Սակայն անընդհատ մրցումների մասնակցելու, դրանց նախապատրաստվելու եւ վերջին շրջանում իրեն հետապնդող վնասվածքների եւ բուժումների պատճառով խոստումը կատարել դեռ չի կարողանում:
«Aravot.am»-ը շնորհավորում է Դավթին:
