«Ես դա որեւէ կերպ չեմ կարող բացատրել: Ակնհայտ է մեկ բան` ԵԺԿ-ն կայացրել է քաղաքական որոշում եւ դրա հիմքում, բացարձակ այն չէ, որ այս կամ այն կուսակցությունը առավել կամ պակաս ժողովրդավար է կամ առավել կամ պակաս է համապատասխանում եվրոպական չափորոշիչներին»,- Aravot.am-ի հարցին` ինչո՞վ կբացատրեք Եվրոպական ժողովրդական կուսակցության որոշումը, համաձայն որի ՀՀԿ-ն, ՕԵԿ-ը եւ «Ժառանգությունն» անդամագրվեցին ԵԺԿ-ին, իսկ ԲՀԿ-ի հայտն անգամ չքննարկվեց, ասաց ԲՀԿ խմբակցության ներկայացուցիչ, ԱԺ եվրոինտեգրացման հանձնաժողովի նախագահ Նաիրա Զոհրաբյանը:
Ինչպես մարսելյան համագումարից հետո, տիկին Զոհրաբյանը կրկին հղում է անում «Ժառանգություն» կուսակցության նախագահ Րաֆֆի Հովհաննիսյանին, ով հայտարարել էր, թե իր համար հասկանալի չէր` ինչո՞ւ մարսելյան համագումարում ԲՀԿ-ի անունը չհնչեց: Ամեն դեպքում, Նաիրա Զոհրաբյանը բացառապես ԵԺԿ-ի գործն է համարում կայացված քաղաքական որոշումը եւ վստահեցնում, որ ԲՀԿ-ն շարունակելու է իր ծրագրում ներառված ինտեգրացիոն գործընթացները:
Հակադարձելով Aravot.am-ի դիտարկմանը` արդյո՞ք այս որոշումը եվրոպական համայքնի վերաբերմունքն է ԲՀԿ-ին, տիկին Զոհրաբյանն ասաց. «Ոչ, որովհետեւ եվրոպական համայնքը չի սկսվում եւ վերջանում ԵԺԿ-ով: Այնտեղ բավականին շատ քաղաքական հոսանքներ կան եւ ԵԺԿ-ն դրանցից ընդամենը մեկն է»:
Նելլի Գրիգորյան
Կարդացեք նաև
