Կիրակի՝ մարտի 11-ին, նախագահի թեկնածու Նիկոլա Սարկոզին Վիլլփանթում հանդիպման ժամանակ իր աջակցությունը հայտնեց հայ ժողովրդին: Ըստ ֆրանսահայ լրագրող Ժան Էկյանի՝ Ֆրանսիայի նախագահը ելույթում մեջբերեց գեներալ դը Գոլի մշակույթի նախարար Անդրե Մոլրոյին. «Ֆրանսիան Ֆրանսիա է, երբ նա պայքարում է այլոց համար»:
«Ֆրանսիան պետք է ժողովուրդների կողքին լինի, ազատության, արդարության: Այսօր Ֆրանսիան պետք է լինի Սիրիայի ժողովրդի կողքին. մարդասպանները պետք է ենթարկվեն պատասխանատվության: Ֆրանսիան պետք է անզիջում լինի Իսրայելի անվտանգության պաշտպանության հարցում: Նա պետք է պաշտպանի Պաղեստինի պետության սկզբունքը: Նա կպաշտպանի գենդերային հավասարակշռությունը, կրոնական ազատությունը, արեւելյան քրիստոնյաների իրավունքն ապրելու խաղաղության մեջ: Ահա թե ինչու եմ ես պաշտպանել վիրավոր հիշատակը հայերի»:
Մինչեւ նախագահի ելույթը նրա թեկնածությունը սատարող ելույթներով հանդես եկան շատերը, այդ թվում՝ կինոբեմադրիչ Ալեն Թերզյանը:
Այս հանդիպումը հեռարձակվել է ֆրանսիական մի շարք հեռուստաալիքներով:
