«Ալեն Սիմոնյանը պետք է լավ գիտակցի, որ իր քաղաքական կալիբրը չի ներում նախագահ Սարգսյանին խորհուրդներ տալ»,-խորհրդարանում լրագրողների հետ զրույցում ասաց «Պատիվ ունեմ» խմբակցության ղեկավար Հայկ Մամիջանյանը։
Հիշեցնենք, Ալեն Սիմոնյանը դիմել էր Սերժ Սարգսյանին՝ ասելով, որ ՀՀ 3-րդ նախագահը պետք է հետ քաշվի քաղաքական դաշտից, քանի որ իր կողքիններն են երազում այդ մասին։
«Նախագահ Սարգսյանն այն պետական գործիչն է, ով ժամանակին հայտարարել էր, որ Աղդամն իր հայրենիքը չէ, բայց պահել էր Աղդամը, այդ ժամանակ որոշները վայնասուն էին բարձրացրել, բայց երբ իրենք իշխանություն էին, իրենք հանձնեցին թե Աղդամը, թե Արցախը, թե ՀՀ սուվերեն տարածքից որոշակի հատվածներ»,- ասաց Հայկ Մամիջանյանը՝ Ալեն Սիմոնյանին կոչ անելով՝ «իր երազանքները չպրոյեկտի ՀՀԿ-ի» հետ․ «Ալեն Սիմոնյանը դա չէր ասում պաշտոնաթող նախագահներին, նա արտահայտում էր իր երազանքները ՔՊ-ում փոփոխությունների տեսանկյունից, այնպես որ՝ Նիկոլ Փաշինյանը թող զգույշ լինի»։
Մանրամասները՝ տեսանյութում
Կարդացեք նաև
Նելլի ԳՐԻԳՈՐՅԱՆ
