Այսօր Aravot.am-ը ՀՀԿ խմբակցության ղեկավար Գալուստ Սահակյանից հետաքրքրվեց` Քաղաքագետների միությունում չստորագրեցիք միասնական շտաբ ստեղծելու փաստաթուղթը` շեշտելով, թե կոալիցիա էլ դեռ կա, մինչդեռ ձեր կոալիցիոն գործընկերների, մասնավորապես` ԲՀԿ-ի որոշ անդամներ պնդում են, որ կոալիցիան ձեւական բնույթ ունի եւ ըստ էության չկա կոալիցիա: Հարցին՝ գուցե պետք չէ՞ անհանգստանալ նրանց կարծիքը հաշվի չառնելու համար` նա պատասխանեց. «Բարգավաճ Հայաստանը նման հայտարարություն չի արել: Նման հայտարարություններն անում են կուսակցության նախագահները: Եվ բացի այդ, եթե ձեւական է, չի եղել` կոալիցիայից դուրս կարող են գալ: Դա Վարդան Օսկանյանի տեսակետը չի: Ես որեւէ մեկի տեսակետի վրա չեմ էլ ուզում ազդեցություն ունենալ: Կոալիցիոն ցանկացած քաղաքական ուժ, եթե կգտնի ձեւական է կամ չկա` թող դուրս գա: Վարդան Օսկանյանը ասում է, որովհետեւ գիտի մեծամասնություն ենք, չի մտածում, որ ԲՀԿ–ն 4, ՕԵԿ–ը` 3 կառավարության անդամներ են ունեցել, եթե ձեւական է` կառավարության նիստերի ժամանակ ինչ–որ քննարկումներ հակառակ ձեւով թող գնար: Ես կարծում եմ` կոալիցիան լավ է աշխատել, համատեղ է աշխատել: Եվ ինչ–որ սկզբունքներ էլ որ վեճի առարկա են դարձել` կարողացել ենք հաղթահարել»:
Հռիփսիմե ՋԵԲԵՋՅԱՆ