Aravot.am-ը «Օրինաց երկիր» կուսակցության փոխնախագահ Հեղինե Բիշարյանից հետաքրքրվեց, թե ինչու են վերջին շրջանում իրենց կուսակցությանը նմանեցնում «Բարգավաճ Հայաստան» կուսակցությանը: Կա՞ն նմանություններ հարցին՝ տիկին Բիշարյանը պատասխանեց. «Կուսակցության ղեկավարը բացառիկ քաղաքական գործիչ է մեր երկրում իր գրագիտությամբ, լի ծրագրերով… բացառիկ անձնավորությանը տարանջատում ենք մնացած քաղաքական գործիչներից՝ իր տեսակով»: Նրա խոսքերով, լուրջ քաղաքական գործիչները երբեք որեւէ քաղաքական ուժին ու քաղաքական գործիչներին համեմատության մեջ չեն դնում:
Տիկին Բիշարյանը նաեւ դժգոհեց, որ նախընտրական շրջանում քաղաքական շատ ուժեր իրենց կուսակցությանը սեւ PR են անում. «Շատ են ստահոդ բամբասանքները, կեղծիքները…բայց այս շրջանում մենք մի քիչ էլ հումորով ենք վերաբերվում այն բացասական հոդվածներին, որոնք գրվում են մեր հասցեին»:
Արփինե ՍԻՄՈՆՅԱՆ
Կարդացեք նաև
