ՀՀ Սահմանադրական դատարանում վիճարկելով գործող ընտրական օրենսգրքի մի քանի հոդվածների՝11 հոդվածի 1-ին մասի, 31 հոդվածի 1-ին մասի 3-րդ կետի եւ 33 հոդվածի 1-ին մասի 2-րդ կետի սահմանադրությանը համապատասխանելու հարցը, ՀՀ փաստաբանների պալատի անդամ, ՀՅԴ եւ ԲՀԿ ԱԺ պատգամավորների լիազոր-ներկայացուցիչ Վահե Գրիգորյանն ասաց.«Ընտրությունների ամբողջ գործընթացը ժողովրդի համար պետք է լինի հրապարակային, թափանցիկ եւ վերահսկելի: Այս պայմանն անհրաժեշտ է նաեւ, որպեսզի հնարավոր լինի ապահովել ընտրողների քաղաքական կամքի ազատ արտահայտումը: Պետությունը պարտավոր է ապահովել դրանց ազատ լինելը: Պետությունը պարտավոր է ապահովել այդ վերահսկողության լիարժեք իրականացումը»:
Վ.Գրիգորյանը նաեւ անդրադարձավ ընտրություններին չմասնակցած անձանց չմասնակցությանը, որպես քաղաքական կամքի արտահայտտությանը, որպես քվեարկություն դիտելուն եւ գաղտնի չհամարելուն:
Ըստ Վ.Գրիգորյանի , քվեաթերթիկ ստանալը եւ քվեախցիկ մտնելը վերահսկելի է. «Գաղտնի քվեարկությունն առանձին գործողություն է, որը սկսվում է քվեաթերթիկը ծրարի մեջ դնելու, քվեախուց մտնելու պահից»:
Սակայն, ըստ նրա, քվեախցիկից դուրս գալը կատարավում է բաց եւ հրապարակային. «Տեսանելի է անվերահսկելի թվով անձանց համար, ուստի այն չի կարող համարվել գաղտնի քվեարկության բաղադրիչ»:
Կարդացեք նաև
Ռ.Մ.
