Զանգվածային լրատվության որոշ միջոցներ, հղում անելով, Համացանցում տեղադրված տեսանյութերին, տեղեկատվություն են տարածել, թե ոստիկանության ծառայողները երեկ Հանրապետության հրապարակում տեղի ունեցած ցավալի միջադեպից հետո իբր արգելել են քաղաքացիների ելքը հրապարակից:
Հորդորում ենք ուշադիր դիտել և հատկապես լսել տեսագրությունը: Ոստիկանության ծառայողներն իրականում ոչ թե արգելում են քաղաքացիների տեղաշարժը, այլ խնդրում են չանցնել արգելափակոցների վրայով, այլ` հատուկ բացված անցուղով:
Իսկ խնդրանքի պատճառը չափազանց պարզ ու հասկանալի է` կանխել հնարավոր խուճապը, ինչը ոստիկանները պարզապես պարտավոր են անել, քանի որ փորձը ցույց է տալիս, որ նման դեպքերում առավել ծանր հետևանքների հանգեցնում է հենց խուճապը:
Կարդացեք նաև
Ոստիկանների գործողությունների շնորհիվ այս անգամ, բարեբախտաբար, խուճապի վնասները հնարավոր եղավ հասցնել նվազագույնի:
ՀՀ ոստիկանություն