ԱՄՆ-ի Սենատի արտաքին հարաբերությունների հանձնաժողովը հունիսի 13-ին քննարկելու է Ադրբեջանում ԱՄՆ-ի դեսպանի պաշտոնում Ռիչարդ Մորնինգսթարի թեկնածությունը:
ԱՄՆ-ի Կոնգրեսին Եվրասիայում էներգետիկայի հարցերով ԱՄՆ-ի արտաքին գործերի նախարարության հատուկ ներկայացուցիչ Ռիչարդ Մորնինգսթարի թեկնածությունը Ադրբեջանում դեսպանի պաշտոնում այս տարվա ապրիլի վերջին առաջարկել է ԱՄՆ-ի նախագահ Բարաք Օբաման:
Ռիչարդ Մորնինգսթարը սկսել է իր աշխատանքային գործունեությունը «Peabody & Brown» իրավաբանական ընկերությունից (այժմ` «Nixon Peabody»): Այնուհետ նա աշխատել է «Costar Corporation» ընկերությունում` որպես գլխավոր տնօրեն, իսկ 1990 թվակիանից զբաղեցրել է կառավարման խորհրդի նախագահի պաշտոնը:
Մորնինգստարը 1993 թվականի հունիսից զբաղեցրել է Արտերկրյա մասնավոր ներդրումների կորպորացիայի ավագ փոխնախագահի պաշտոնը` քաղաքականության ու ներդրումային զարգացման հարցերով, 1999-ից 2001 թվականները զբաղեցրել է Եվրամիությունում ԱՄՆ-ի դեսպանի պաշտոնը:
Կարդացեք նաև
2009 թվականի ապրիլի 20-ից Ռիչարդ Մորնինգսթարը նշանակվել է Եվրասիայում էներգետիկայի հարցերով ԱՄՆ-ն արտգործնախարարության հատուկ ներկայացուցչի պաշտոնում:
Ռիչարդ Մորնինգստարը բակալավրի կոչում է ստացել Հարվարդի, իսկ իրավաբանական գիտությունների դոկտորի կոչումը՝ Ստենֆորդի համալսարանի իրավաբանության ֆակուլտետում:
Արմեն Հովհաննիսյան
«Ամերիկայի Ձայն»
