Սեպտեմբերի 23-ի Տավուշի մարզում կկայանան ՏԻՄ ընտրություններ: Իջեւանի տարածաշրջանի Ազատամուտ համայնքում համայնքապետի թեկնածուները 3-ն էին՝ ՀՀԿ անդամ, ՀՀԿ –ի կողմից առաջադրված գործող գյուղապետ Ժորա Մարտիրոսյանը, ՀՀԿ անդամ Գագիկ Բալասանյանը, ՀՀԿ անդամ Արտեմ Սարիբեկյանը: Վերջինս նախկինում շուրջ 12 տարի եղել է Ազատամուտի գյուղապետի տեղակալ:
Գագիկ Բալասանյանը ինքնաբացարկ է հայտնել:
Ժորա Մարտիրոսյանը 2006թ. դեկտեմբերի 28-ին Տավուշի մարզի առաջին ատյանի դատարանի կողմից ՀՀ քրեական օրենսգրքի 258 հոդվածով (խուլիգանություն) դատապարտվել է 150 հազար դրամ տուգանքի: Նույն ժամանակ նույն հոդվածով դատապարտվել են նրա 3 տղաները՝ Ռոբերտ, Արկադի եւ Կարեն Մարտիրոսյանները:
Հիմա ոստիկանության Տավուշի քննչական բաժնում քննվում է նույն հոդվածով գործ, որով մեղադրվում են Ժորա Մարտիրոսյանը եւ նրա 3 տղաները: Ժորայի տղաներից Ռոբերտ Մարտիրոսյանը այդ քրեական գործով եղել է կալանքի տակ, նա դատախազի որոշմամբ ազատ է արձակվել: Ժորա Մարտիրոսյանը ՀՀԿ-ին անդամագրվել է 2011թվականին, մինչ այդ նա «Բարգավաճ Հայաստան» կուսակցության անդամ էր:
Կարդացեք նաև
Ոսկան ՍԱՐԳՍՅԱՆ
