Վայոց ձորի մարզպետ Էդգար Ղազարյանն այսօր Aravot.am-ի հետ զրույցում վստահեցրեց, որ ինքը ՏԻՄ ընտրություններին նախկին ԲՀԿ-ական մարզպետ Սերգեյ Բագրատյանի արարքներից տեղյակ չէ, ոչինչ չի տեսել, ոչինչ չգիտի:
Հիշեցնենք, որ ըստ հրապարակումների, նա սեպտեմբերի 23-ին քվեարկությունից հետո մտել է թիվ 39/01 ընտրատարածք, գլխով հարվածել է ոստիկանի, փորձել է քվեաթերթիկներ վերցնել եւ այլն, ինչի առիթով Եղեգնաձորի ոստիկանության բաժնում նյութեր են նախապատրաստվում եւ պիտի ուղարկվեն Հատուկ քննչական ծառայություն:
Մարզպետի խոսքերով՝ «Ես դրա հետ ի՞նչ կապ ունեմ, այն տեղեկությունն ունեմ, ինչ մամուլում կա»:
Պարոն Ղազարյանը ՏԻՄ ընտրությունները Վայոց ձորի մարզի բոլոր համայնքներում գնահատեց ազատ, արդար, ժողովրդավարական սկզբունքներին համապատասխան. «Քաղաքացիները լիարժեք կարողացել են իրենց կամարտահայտությունն իրականացնել եւ դա գոհացնում է»:
Կարդացեք նաև
Հռիփսիմե ՋԵԲԵՋՅԱՆ
