Շախմատի «Մեծ սաղավարտ վարպետներ» եզրափակչի մասնակիցները մեկօրյա հանգստից հետո Սան Պաոլոյում պայքարը վերսկսեցին չորրորդ տուրում:
Հերթական հաղթանակը տարավ միանձնյա առաջատար Ֆաբիո Կարուանան՝ պարտության մատնելով իսպանացի Ֆրանսիսկո Վալյեխո Պոնսին: Աշխարհի երկու լավագույն շախմատիստները՝ նորվեգացի Մագնուս Կարլսենը եւ Հայաստանի լավագույն շախմատիստ Լեւոն Արոնյանը բաժանեցին միավորը: Ոչ-ոքի արեցին նաեւ Վիշվանաթան Անանդը (Հնդկաստան) եւ Սերգեյ Կարյակինը (Ռուսաստան): Մրցաշարային աղյուսակը 10,0 միավորով միանձնյա գլխավորում է Կարուանան: Նրան հաջորդում են Արոնյանը՝ 6,0, Կարլսենը՝ 5,0, Վալյեխոն եւ Կարյակինը՝ 2,0-ական միավոր:
Այսօր՝ հինգերորդ տուրում, սպիտակներով խաղացող Արոնյանը կարող է կանգնեցնել իտալացի Կարուանայի հաղթարշավը: Մյուս զույգերը կազմել են. Անանդ-Կարլսեն, Վալյեխո-Կարյակին:
Աշոտ ՀԱԿՈԲՅԱՆ
