«Էլիտ Շանթ» ընկերության տնօրինությունը իր աշխատակիցներին պարտադրում է համանուն «Շանթ» սուպերարկետից նվազագույնը 10.000 դրամի առեւտուր անել: Aravot.am-ի տեղեկություններով, 100.000 դրամ աշխատավարձ ստացող աշխատակիցների աշխատավարձից ամեն ամիս 10.000 դրամը փոխանցվում է սուպերմարկետից առեւտուր անելու համար նախատեսված քարտերին, որոնք տնօրինությունն է բաժանել բոլորին: Իսկ 200.000 դրամ աշխատավարձ ստացողները հարկադրված են 20.000 դրամի առեւտուր անել: Հարկադիր առեւտուրից դժգոհող աշխատակիցներին, տնօրինությունն առաջարկել է աշխատանքից ազատվել:
Տնօրինության պարզաբանումը չհաջողվեց ստանալ. ընկերության աշխատակիցը մի քանի օր շարունակ վստահեցրեց, որ տնօրենը աշխատանքի վայրում չէ, ու հենց գա` մեզ անպայման կզանգի: Սակայն այդ զանգը այդպես էլ չի հնչել:
Արփինե ՍԻՄՈՆՅԱՆ
