Իրավապաշտպան Ռուբեն Մարտիրոսյանը մեզ հայտնեց, որ հոկտեմբերի 29-ին իրենց մամուլի ասուլիսից հետո փակ հեռախոսահամարից իրեն զանգահարել եւ շուրջ 40 րոպե զրույց է ունեցել Արտակ Նազարյանի հետմահու դատահոգեբանական փորձաքննություն անցկացրած հոգեբան-փորձագետ Էլդա Գրինը: Իրավապաշտպանը դատարանում ասաց. « Ես երեկ իրեն ասել եմ իր հետ ջերմ հեռախոսազրույցի ժամանակ,այո, ես ապացուցեցի տիկին Գրինին, որ նա տվել է միտումնավոր կեղծ, հանցավոր եզրակացություն: Նա ամեն կերպ արդարացավ եւ ասաց, որ եթե կեղծ քննություն է կատարվել, ինքը չի բացառում քննիչի մեղքը: Ասացի, որ քննիչն այստեղ, դատարանում կանգնած ասաց՝ով տվել է նման եզրակացություն, թող նա էլ պատասխան տա: Երեկ Էլդա Գրինը զարմանք հայտնեց, որ նախագահողը, դատարանը մերժել է կրկնակի փորձաքննություն կատարելու մեր միջնորդությունը, (ասելով-Ո.Ս.) ինչո՞ւ, մարդն անսխալական չէ, ես չե՞մ կարող սխալվել: Ես ուղղակի հայտարարեցի եւ հիմա էլ հայտարարում եմ, որ Էլդա Գրինը ոչ թե տվել է անզգուշորեն սխալ, այլ՝ միտումնավոր կեղծ եզրակացություն»:
Դատավոր Սամվել Մարդանյանը իրավապաշտպանին առաջարկեց դատաքննություն սահմաններից դուրս չգալ, ասելով.«Թե դուք Էլդա Գրինի հետ ինչ հեռախոսային զրույց եք ունեցել…»:
«Ինչ սեր ենք բացատրել»-ընդմիջեց Ռուբեն Մարտիրոսյանը: Դատավոր Մարդանյանն իրավապաշտպանին առաջարկեց արտահայտել իր վերաբերմունքը դատարանում հնչած, հետմահու կրկնակի դատահոգեբանական փորձաքննությունն անցկացնելու միջնորդության մասին:
Կարդացեք նաև
Ոսկան ՍԱՐԳՍՅԱՆ
