«Եթե ռեժիմը տրամաբանական ավարտին հասցնի ՀԱԿ 4 ակտիվիստների դատական գործընթացը, եւս երեք հոգի հայտվնելու է ճաղերի հետեւում: Սա այն է, ինչ որ մենք թույլ չենք տա: Այսուհետեւ հայտարարում ենք զրոյական հանդուրժողականություն ռեժիմի որեւէ ոտնձգության դեմ մեր ազատությունների նկատմամբ: Հենց Մեկ մարդու` Տիգրան Առաքելյանի համար ամբողջ երկիրը պետք է խառնենք, եթե պետք լինի, ոորվհետեւ եթե թույլ ես տալիս մեկ քաղբանտարկյալի առկայութուն քո երկրում, նշանակում է դուռ ես բացում բռնապետության հաստատաման համար», – այսօր ՀԱԿ 4 ակտիվիստների ազատ արձակման պահանջով կազմակերպված քայլերթից առաջ ասաց ՀԱԿ խմբակցության ղեկավար Լեւոն Զուրաբյանը:
Ըստ նրա, ՀԱԿ ակտիվիստների դեպքը ցույց տվեց, որ իշխանությունը փորձում է աշխարհին ցույց տալ, թե պատրաստ է ընդդիմության հետ նստել մեկ սեղանի շուրջ ու բանակցել երկրի անցումը դեպի ժողովրդավարություն, բայց մյուս կողմից նենգաբար պատրաստում է գործողություններ, որոնք պետք է վիժեցնեին այդ երկխոսությունը . «Այս դեպքից հետո հասկացանք, որ գործ ունենք մի իշխանության հետ, որի որեւէ խոստմանը չպետք է հավատանք, այս իշխանությունները սպառեցին խաղաղ անցման ռեսուրսը դեպի ժողովրդավարություն»:
Դերասան Աշոտ Ադամյանն էլ ասաց, որ տղաների ազատության համար պետք է գնան բոլոր կեղծիքների դեմ. «Միայն ու միայն ազատություն, միայն ու միայն ճշմարտություն»:
Կարդացեք նաև
Խնկո Ապոր գրադարանի մոտից ՀԱԿ ակտիվիստները շարժվեցին դեպի օպերա, Հյուսիասային պողոտա:
Արփինե ՍԻՄՈՆՅԱՆ
