ՀՀ Ոստիկանությունը հրապարակել է ՀՀ ընտրողների ռեգիստրում ընդգրկված ընտրողների ընդհանուր թիվը, որը 19.01.2013թ. դրությամբ կազմում է 2.508.000 ընտրող, այն դեպքում, երբ 2011թ. մայիսի 6-ին կայացած խորհրդարանական ընտրությունների ժամանակ այդ թիվը կազմել է 2.484.000 ընտրող, այսինքն ինն ամսվա ընթացքում ընտրողների թիվն ավելացել է 24.000-ով:
Համաձայն մարդահամարի տվյալների` 2011թ. հոկտեմբերի 12-ի դրությամբ, Հայաստանում առկա են եղել ընդամենը 2 մլն 871 հազ. 509 մարդ:
Եթե հաշվի առնենք, որ միգրացիոն գործակալության տվյալների համաձայն 2012թ-ին ՀՀ-ից արտագաղթողների թիվը կազմել է 42.700 մարդ, ապա ստացվում է, որ Հանրապետությունում առկա 2.828.000 մարդու պայմաններում ունենք 2.508.000 ընտրող:
Ակնհայտ է, որ Հայաստանում բնակվողների թվի կրճատման ու ընտրողների թվի ավելացման այս տեմպերը շարունակվելու դեպքում, հաջորդ խորհրդարանական ընտրություններում ընտրողների ռեգիստրում ընդգրկված քաղաքացիների թիվը կգերազանցի Հանրապետությունում առկա անձանց (այդ թվում անչափահասների) ընդհանուր թվին:
Կարդացեք նաև
Հ.Գ. Պաշտոնական թվային տվյալների վրա հիմնված վերը նշված հաշվարկը ցույց է տալիս, որ մեր երկրում, ոչ միայն փուչիկներն են փուչիկ, այլ նաև` պաշտոնական թվերը, իսկ ամեն մի փուչիկ, վաղ թե ուշ պայթում է:
Կարեն ՄԵԺԼՈՒՄՅԱՆ
փաստաբան
