ՑԱՎԱԿՑՈՒԹՅՈՒՆ
«Ժողովրդավարական ուղի» կուսակցության քաղաքական խորհուրդը ցավով ու խորը կսկիծով տեղեկացավ հարգարժան լրագրող Նաիրա Մամիկոնյանի մահվան բոթի մասին։
Նաիրան ետխորհրդային շրջանի այն լրագրողներից էր, ով մասնագիտական ունակությունները ձեռք բերեց հայաստանյան իրականությունը սեփական կյանքով տեսնելու, վերապրելու, պատկերելու ոչ դյուրին աշխատանքում՝ դառնալով Հայաստանի նորագույն լրագրության կարևոր մասնակիցներից մեկը:
Սիրելի Նառան երբևէ չդավաճանեց ինքն իրեն ու լրագրության սկզբունքներին։ Կար ու մնալու է որպես լրատվության անկողմնակալության ջատագով:
Կարդացեք նաև
«Ժողովրդավարական ուղի» կուսակցության քաղաքական խորհուրդը ցավակցում է Նաիրայի ընտանիքի անդամներին, հարազատներին, բարեկամներին, «Առավոտ» օրաթերթի խմբագրակազմին և բոլոր այն լրագրողներին, ովքեր Նաիրայի հետ աշխատելու բախտն են ունեցել և կիսում է բոլորի հետ անժամանակ կորստի ցավը:
«Ժողովրդավարական ուղի» կուսակցության քաղաքական խորհուրդ
