«Այս պահին ինքը ընտրապայքարին չի մասնակցում, բայց թեկնածություն հանելու մասին մինչեւ ամսի 8-ը պետք է որոշում ընդունի: Ինչքան տեղյակ եմ՝ պայքարը շարունակելու է, բայց հնարավոր է՝ այլ տարբերակներ լինեն»,- այսօր «Peeplemeter » ակումբում ասաց Ա. Ղուկասյանի շտաբի պետ Արմեն Գրիգորյանը:
Նրա խոսքերով, եթե անգամ պարոն Ղուկասյանը թեկնածությունը չհանի, ապա ընտրություններին մասնակցելու է ինստիտուցիոնալ եւ ոչ թե քվե ստանալու համար:
Պարոն Գրիգորյանը նաեւ ասաց, որ եթե պարոն Հայրիկյանը ընտրությունները հետաձգելու համար ՍԴ դիմելու որոշում ընդուներ, պարոն Ղուկասյանը հնարավոր է՝ դադարեցներ հացադուլը, որովհետեւ Ա. Ղուկասյանը պատրաստակամություն էր հայտնել դուրս գալ հացադուլից, եթե նոր ընտրություններ նշանակվեին՝ համատեղ պայքար սկսելու պայմանով:
Նա պարոն Հայրիկյանի ու Ղուկասյանի միջեւ համագործակցության եզրեր չի տեսնում, որովհետեւ. «Իրականում Հայրիկյանը դիմել էր ոչ թե համագործակցության առաջարկով, այլ քաղաքական քայլ կատարելու համար: Նոր համագործակցության եզրեր այս պահին չեմ տեսնում, որովհետեւ պայքարի նպատակներն այլ ուղով են ընթանում: Պարոն Հայրիկյանը գնում է ընտրությունների, իսկ Անդրիաս Ղուկասյանը ընտրությունները չի ճանաչում, դրանք համարում է շինծու»:
Կարդացեք նաև
Առողջապահության նախարարությունից էլ պարոն Ղուկասյանի առողջականով հետաքրքրվել են միայն երեկ՝ հացադուլի 15-րդ օրը:
Արփինե ՍԻՄՈՆՅԱՆ
