ՍԴ դիմելու հիմնական պատճառը նախագահի թեկնածու Պարույր Հայրիկյանի համար ժողովրդավարության ու ահաբեկչության անհամատեղելի լինելը ցույց տալն էր:
«Բոլորս ամեն ինչ անենք, որ որեւէ մեկի ատելությունը մեզ չշեղի հիմնական ուղուց»,- 2 շաբաթով ընտրությունները հետաձգելու պահանջով դիմումը Սահմանադրական դատարան ներկայացնելուց հետո լրագրողներին ասաց պարոն Հայրիկյանը:
Անդրադառնալով նախագահի թեկնածու Հրանտ Բագրատյանի հայտարարությանը, թե եթե Հայրիկյանը ուզում է միասնական թեկնածու, ապա առաջին հերթին թող ինքը հանի թեկնածությունը, ասաց. «Բոլորը սկզբում պայմանավորվում են: Բագրատյանը կարող է որոշ բաներ սովորել այն ամենից ինչ իմացել ենք ու կիրառել անցյալում: Բոլոր թեկնածուները հենց սկզբից ջենտլմենաբար պետք է տրամադրված ասեն, որ իրենք ունեն այնքան ուժ, որ իրենց պրիմիտիվ ամբիցիաները մի կողմ դնեն ու հանեն իրենց թեկնածությունը: Ես դա մի անգամ արել եմ ու նման առաջարկություն ինձ կարող է անել նա, ով մի անգամ իր կյանքում արել է: Սիրում եմ բոլորին էլ, բայց թող իմանան, Հայրիկյանի արածն իրենք արդեն արե՞լ են, որ Հայրիկյանին առաջարկում եմ մի հատ էլ անել, էս էլ Կոկա-Կոլա չէ, որ մի հատ էլ փորձես»:
Սահմանադրական դատարանն ընդունել է պարոն Հայրիկյանի դիմումը, բայց թեկնածուն մեկ օրվա ընթացքում կարող է հետ վերցնել, եթե փոշմանի:
Կարդացեք նաև
ՍԴ նախագահ Գագիկ Հարությունյանն էլ լրագրողներին ասաց, որ որոշումը կհրապարակեն առաջիկա 4 օրերի ընթացքում:
Արփինե ՍԻՄՈՆՅԱՆ
Մալադեց Հայրիկյանին,
Ողջ աշխարհը վրան ծիծաղում ա, բայց իրեն չի կորցնում` շարունակում ա սովորացնել ու անկապություններ խոսել: Վիճակահանությամբ պաշտոններ ա բաժանում, բաներ ա առաջարկում, ինքն էլ չի հասկանում ինչ և ոնց??
Իսկական Շվեյկ:
Դե էդքան լավն ես, իրոք, ասա “ես հանում եմ հօգուտ միասնական թեկնածուի: Իսկ հիմա քայլը ձերն է Բագրատյան ու Րաֆֆիի…” Այ սա կհասկանայինք: Մեկ ա ասում ես առանձին-առանձին պարտվելու ենք, թե չէ.. կոն չդրած ղումար ես խաղում, որ ինչ անես…?
Գալուստ ջան, եղբայր, սրամիտ չէր: Քո մասին մտածելով եմ ասում` մի խառնվիր տխրահռչակ իշխանությունների ջղաձիգ խաղերին: