012թ. քննվել է մարդկանց թրաֆիքինգի 24 գործ 27 անձի վերաբերյալ: Դատարաններում քննված 10 քրեական գործով դատապարտվել է 10 անձ, 4 քրեական գործով դատաքննությունը շարունակվում է, միայն մեկ քրեական գործով անցնում է 8 մեղադրյալ: Այս մասին նշվեց ՀՀ դատախազության կոլեգիայի այսօրվա ընդլայնված նիստում և ընդգծվեց, որ դատախազությունը շարունակում է աշխատանքներ տանել այդ հանցատեսակի դեմ տարվող պայքարի արդյունավետության բարձրացման ուղղությամբ:
Սեփականության դեմ ուղղված հանցագործություններն աճել են ընդամենը 8 դեպքով: Ինչպես ընդհանուր, այնպես էլ սեփականության դեմ ուղղված հանցագործությունների շարքում մեծ տեսակարար կշիռ են կազմում անձնական գույքի հափշտակությունները: Բացահայտման ցուցանիշը հանրապետությունում նվազել է 2,1%-ով` կազմելով 72,1%: Իսկ Երևան քաղաքում այդ ցուցանիշը բարելավվել է 3,7%-ով: Ի տարբերություն նախորդ տարվա` 153-ով աճել են բնակարանային գողությունները։ Բնակարանային գողության դեպքերի կանխարգելման առումով անելիք ունեն ինչպես ոստիկանության տարածքային բաժինները, այնպես էլ պետական պահպանության գլխավոր վարչությունը:
161 դեպքով աճել են նաև խարդախության դեպքերը, 10-ով` կողոպուտի: Որպես դրական ցուցանիշ` 43-ով` ավազակային հարձակման դեպքերը:
Արձանագրվել է տնտեսական գործունեության դեմ ուղղված հանցագործությունների նվազում 342-ով կամ 30,7%-ով:
Կարդացեք նաև
Նվազում արձանագրվել է տվյալ բնագավառի բոլոր հանցատեսակներով: ՀՀ դատախազությունը գտնում է, որ այս ոլորտում Պետական եկամուտների կոմիտեի օպերատիվ մարմինները պետք է ակտիվացնեն իրենց աշխատանքները:
Լուսանկարն՝ ըստ Ֆոտոլուրի
