Վերջին օրերին ՀՀ նախագահ Սերժ Սարգսյանն ու ռոք երգիչ Սերժ Թանկյանը ակտիվ նամակագրության մեջ են: Սերժ Թանկյանը բաց նամակ էր հղել ՀՀ նախագահին , որին հաջորդեց Ս. Սարգսյանի պատասխանը:
Ինչպես հայտնի է, Ս. Թանկյանը ակտիվորեն ներգրավված է բնահպանական շարժումներում: Այդ պատճառով Aravot.am-ը բնապահպան-ակտիվիստներից հետաքրքրվեց՝ այս նամակագրությունը ի նպա՞ստ բնապահպանության կգործի,թե՞ ընդհակառակը:
Բնապահպան ակտիվիստ Արթուր Գրիգորյանն ասաց. «Օգուտ կամ վնաս չեմ տեսնում, քանի որ նամակագրությունը կապված է ընտրությունների հետ:: Ուստի նամակագրության բովանդակությունն այնպիսին էր, որ այն բնապահպանական շարժման հետ ուղղակի կապ չունի: Ինչ վերաբերում է Ս. Սարգսյանի պատասխանին, ապա դա կատարյալ միմոսություն էր: Պատասխան նամակում լատինատառ մեջբերումներ կան Թոմաս Հոբսից: Երբ մարդ անգամ Թոմաս Հոբսի անունը չգիտի, ուր մնաց նրանից լատինատառ մեջբերումներ անի: Բնապահպան ակտիվիստների շրջանում այն միայն ծաղրանքի արժանացավ: Նրա պատասխանը գրողները այնքան հիմար են գրել, որ խայտառակ իրավիճակում է Ս. Սարգսյանը հայտնվել: Իսկ Սերժ Թանկյանի նամակն ավելի հստակ ձևակերպումներ կարող էր ունենալ, բայց դե դա իր գործն է, ինքն իր մտածողությունն ունի»:
Բնապահպան ակտիվիստ Լիլիթ Գևորգյանն էլ նկատեց. «Իհարկե, հաճելի է Թանկյանի ուշադրությունը տեղի ունեցող իրադարձություններին: Ամեն մարդու համար ակնկալիքները ոչ թե Թանկյանից և մյուսներից պիտի լինեն, այլ հենց իրենից: Այս պահին իրավիճակը կախված է ամեն քաղաքացուց: Իսկ Ս. Սարգսյանի պատասխանը լիրիկական մի բան էր` առանց պատասխանելու Սերժի բարձրացրած որևէ հարցի: Անգամ Սերժն է նշել է, որ իր հարցերն իրականում պատասխան չեն ստացել»:
Կարդացեք նաև
Տաթև ՀԱՐՈՒԹՅՈՒՆՅԱՆ
սարգսյանի պատասխանը,՝ Թանկյանի նամակին, դա նրա մտահոգությունն է,՝ թե ինչպես ապագայում
իր նախագահի պաշտոնը այրան գնով պահպանելով հանձնի թոռնիկին,՝ փոքրիկ սերժին: