Րաֆֆիի արած մեծ լավությունը մարդկանց մեջից վախը հանելն է:
Նոյեմբերյանցի գրող, ՀՀ պաշտպանության նախարարության եւ ՀՀ լրագրողների միության համատեղ՝ «Ես զինվորն եմ հայրենիքի» մրցանակի եւ «Վահագն» մրցանակի դափնեկիր Աշխեն Աբազյանին հարցրինք Հայաստանի ներքաղաքական վիճակի եւ դրանից ելքի մասին:
Նա ասաց, որ հավատում է նախախնամության կամքին, ժամանակը ծնում է ազգի հերոսներ եւ դավաճաններ, ժամանակը դրանց միանգամից չի բերում,կամաց-կամաց, երբեմն՝ դարերով եւ հավելեց. «Ասում են՝ համբերության բաժակը լցվեց: Դա լոկ խոսք չէ, ճշմարտություն է: Այսինքն՝ համբերությունն ավարտվեց, ուրեմն թելը կտրեց, վերջն եկավ: «Ամբոխները խելագարված» ե՞րբ դուրս եկան,« ամբոխները խելագարված» ե՞րբ ծնվեցին, երբ որ արդեն համբերության բաժակը լցվեց, այլեւս տեղ չկար: Ե՞րբ ես զայրանում, ե՞րբ ես հասնում գագաթնակետին, որ աչքերիդ առաջը սեւանում է, այլեււս ոչինչ չես հասկանում, գիտակցությունը մթագնվում է, գալիս է այդ վիճակն ու արդեն փոխվում է ու դրանից հետո նստում … Ինձ թվում է , եթե հիմա այդ ժամանակը չէ,բայց այդ ժամանակը մոտենում է, ու էլի պատմությունն իր խոսքն ասելու է: Ես համոզված եմ, որ այսպես չի կարող մնալ, ո՞նց կարող է մնալ… Րաֆֆիի արած մեծագույն լավությունն այն է, որ մարդկանց միջից վախի զգացումը հանում է, ազատ եղիր, ստրուկի հոգեբանությունը մեջիցդ հանում են, ազատ եղիր, ազատ մտածիր: Այո, ճիշտ է՝ գլխիդ տալիս են, եթե քեզ ոչինչ չեն անում,գնում են, հարազատիդ մի բան անում.. այդ էլ են անում, չէ,՞ամեն ինչ էլ անում են , տեսնո՞ւմ ես ինչ ստոր վիճակներ … Ո՞վքեր են հիմա ղեկավար… նայում ես նրանց կյանքին՝ ստորաքարշ մարդիկ,մեջները ազնիվը տեղ չունի: Գլխիդ կտան, ո՞նց ես այդպես խոսում… Չգիտեմ ես ուզում եմ հավատալ»:
Կարդացեք նաև
Ոսկան ՍԱՐԳՍՅԱՆ
Հավատա՝, լավ, ազնիվ, բարի, գեղեցիկ Աշխեն: Հավատ տարածողները քեզ նման մարդիք են, այլ ոչ
թե ……….: Մեզ բոլորիս մեծ հավատ, իսկ աստծու բարի օրհնանքը,՝ Ռաֆֆիին: