«Արփի լիճ» ազգային պարկ» ՊՈԱԿ-ին պատկանող տարածքների գույքային իրավունքների պետական գրանցում իրականացնելու համար բնապահպանության նախարար Արամ Հարությունյանը կառավարությանը որոշման նախագիծ է ներկայացրել` ակնկալելով 2013 թվականի պետական բյուջեի իրենց մասով` լրացումներ: Այս մասին տեղեկանում ենք կառավարության նիստի վաղվա օրակարգից:
Համաձայն նախագծի, պետք է տրվի «Արփի լիճ» ազգային պարկի սահմանների նկարագիրը, հաստատվի հատակագիծը, տարածքի չափը եւ փոփոխվի հողերի նպատակային նշանակությունը: «Գույքային իրավունքների պետական գրանցում իրականացնելու համար անհրաժեշտ է վճարել կադաստրային չափագրման պետական տուրքերը»,-նախագծի անհրաժեշտությունը հիմնավորել է պարոն Հարությունյանը:
Այս փոփոխությունները նախատեսված են ՀՀ կառավարության 2011 թվականի հուլիսի 21-ի թիվ 1151-Ն որոշմամբ:
Նախարարի ներկայացրած նախագծի վերաբերյալ ֆինանսների նախարարությունը որեւէ առարկություն չի հայտնել :
Կարդացեք նաև
Լուսինե ԲՈՒԴԱՂՅԱՆ
