«Արմավիրի զարգացման կենտրոն» հասարակական կազմակերպության շրջիկ դիտորդ Նաիրա Առաքելյանը «Մեդիա» կենտրոնում խոսելով ավագանու ընտրության ընթացքի եւ անցկացման պայմանների մասին, նշեց, որ համեմատած նախորդ ընտրությունների հետ, շատ բան չի փոխվել: Բանախոսի խոսքով՝ թաղային հեղինակությունների առկայությունը տարբեր տեղամասերի մուտքի մոտ դեռեւս զգալի է եղել: «4/19 ընտրատեղամասում թաղային հեղինակությունները այնպես էին մուտքի մոտ կանգնել, որ ես՝ որպես դիտորդ, հազիվ կարողացա մտնել ընտրատեղամաս»,- ասաց «Արմավիրի զարգացման կենտրոն» հ/կ ներկայացուցիչը՝ նշելով, որ 4/25 ընտրատեղամասում կահավորումը սխալ էր արված եւ ընտրատեղամասի պատուհանի դրսի կողմից երեւում էր քվեախցիկի ներսը:
Աշոտ ԱԹԱՅԱՆ
