«Գյումրիում ոչ մի կրիմինալ չկա: Ասենք, ինչ-որ տարբեր տեսակի լարվածություններ կան…պետք չի: Գյումրին մշակույթի եւ սպորտի քաղաք է: Չի կարելի հիմա վերագրել, որ Գյումրին կրիմինալ քաղաք է: Խնդրում եմ, ձեր լեքսիկոնից հանեք այդ բառը»,- այսօր Աբովյան քաղաքում լրագրողների հետ զրույցում ասաց Գյումրիի քաղաքապետ Սամվել Բալասանյանը: Վերջինս մասնակցում էր Սուրբ Հովհաննես եկեղեցու բացման արարողությանը:
Լրագրողները հետաքրքրվեցին՝ իբրեւ Գյումրիի քաղաքապետ Բալասանյանը խոսե՞լ է իր կուսակից, ԱԺ պատգամավոր Մարտուն Գրիգորյանի եւ նախկին քաղաքապետ Վարդան Ղուկասյանի հետ: Բալասանյանն ասաց. «Ես իմ կարծիքը հայտնել եմ, ուրիշ կարծիք չունեմ ասելու: Հիմա ոչ մի լարվածություն չկա: Պատասխանատու եմ: Ամեն ինչ լավ է, վերջացած է»:
Լրագրողները շարունակեցին՝ Բալասանյանի կարծիքով, այլեւս վրեժխնդրություններ չե՞ն լինի: Ասաց. «Ինձ թվում է վերջ: Մնացած հարցերն իրենց տվեք»:
Այլ հարցերի Սամվել Բալասանյանը չպատասխանեց:
Կարդացեք նաև
Նելլի ԳՐԻԳՈՐՅԱՆ