Արձագանքելով լրագրողի հիշեցմանը, որ Նիկոլ Փաշինյանն ասում է, թե ԵԱՏՄ-ի հետ հարաբերությունների ներկայիս վիճակը դարձրել են «Կիկոսի մահը», ԱԺ «Հայաստան» խմբակցության պատգամավոր Արթուր Խաչատրյանն ասաց. «Այսինքն, ինքն ի՞նչ է ուզում։ Մինչեւ կայծակը չխփի, չխաչակնքվի՞։ Բա պլանավորում ես անում, քո երկրի ապագայի հարցն ես որոշում։ Բա չտեսնե՞ս՝ որոնք են ռիսկերը, որոնք են հնարավորությունները։
Այդպես են արել, որ այսօր Արցախում ադրբեջանցիներն են, որ Ջերմուկում ադրբեջանցիներն են, հիմա էլ պահանջում են, որպեսզի սահմանադրությունը փոխեն։ Դե թող գոռա, ասի. «Արցախը Հայաստան է եւ վերջ, Իլյուշ»։ Կամ ասի. «Հեսա նենց բան կասեմ, որ Ադրբեջանը անհույս ձեւով կապակայունացվի»։ Այ, տենց են մտածել, որ այս օրին ենք եկել»։
Իսկ հարցին, թե գուցե վստահ են, որ ԵԱՏՄ-ից չեն հանի։ Այսինքն, ինքը կուրսը կփոխի եւ Եվրամիությունից հետ կգնա ԵԱՏՄ, դաշնակցական պատգամավորը պատասխանեց. «Անկեղծ ասած, ես չգիտեմ՝ իրենք ինչ են ներսում խոսել։ Մենք խոսում ենք այն մասին, ինչ որ կա հրապարակավ։ Իսկ հրապարակավ կա 71 էջ զեկույց, մոտ 20 էջ հավելվածներ, որտեղ հիմնավորումներ կան, թե ինչ խնդիրներ կունենա Հայաստանը, կամ ինչ արտոնություններից կզրկվի Հայաստանը, եթե այլեւս ԵԱՏՄ անդամ չլինի»։
Կարդացեք նաև
Աշոտ ՀԱԿՈԲՅԱՆ
