ՀՀ երկրորդ նախագահ Ռոբերտ Քոչարյանի ոչ պատշտոնական 2rd.am կայքում տեղադրվել է նրա խոսնակ Վիկտոր Սողոմոնյանի մեկնաբանությունը սոցիոլոգ Ահարոն Ադիբեկյանի արած հայտարարության առիթով։
– Պարոն Սողոմոնյան, նախօրեին սոցիոլոգ Ահարոն Ադիբեկյանը հայտարարել է, թե Ռոբերտ Քոչարյանը մեծ քաղաքականություն վերադառնալու համար «պետք է թակի ՀՀԿ-ի դուռը և թույլտվություն վերցնի Կարեն Կարապետյանից ու ՍԱՍ-ի Արտակից»: Ինչպե՞ս կմեկնաբանեք այս միտքը և ըստ Ձեզ՝ կարող է արդյոք այս հայտարարության ի հայտ գալը լինել հատուկ պատվերի արդյունք:
– Եթե խոսքը գնար մեկ ուրիշի մասին, ապա կասեի, թե ավելի լավ կլինի մտածի՝ նոր խոսի: Բայց արդեն երկար տարիներ սոցիոլոգիան հետևողականորեն պախարակող ու ամոթը կորցրած Ադիբեկյանի դեպքում դա հաստատ չի օգնի: Իսկ ընդհանուր առմամբ կարծում եմ, որ Ադիբեկյանը պարզապես իրեն աճուրդի է հանել՝ հաջորդ ընտրական ցիկլին ընդառաջ:
Ինչ վերաբերում է Ձեր հարցի՝ հնարավոր պատվերին վերաբերող հատվածին, ապա ես չեմ կարող պատկերացնել, որ նույնիսկ մեր չափազանց սպեցիֆիկ քաղաքական դաշտում կարող է այդչափ բթամիտ պատվիրատու գտնվել:
Այս նկարում ինչպես որ կա՝ ցանկանում եմ, որ սեփական երկրում,՝ ողջ կյանքում թիկնազորներով ման գաք, նույնիսկ բնական կարիքները հոգալու պահին: