Այսօր օլիմպիական միջազգային օրն է եւ աշխարհի բոլոր երկրներում կազմակերպվում են մարզական մասսայական միջոցառումներ, որոնք միլիոնավոր մարդկանց օրը տոնի են վերածում:
Հայաստանն էլ բացառություն չէ: Առավոտյան հազարավոր մարդիկ ելան վազքարշավի, երեկոյան Հյուսիսային պողոտայում մարզական ցուցադրական ելույթներ են լինելու, որից հետո Ազատության հրապարակում տրվելու է մեծ տոնական համերգ:
Այս ամենը կազմակերպել է Հայաստանի ազգային օլիմպիական կոմիտեն: Եվ որքան հասկանում ենք, սպորտի պետական կառույցի նոր ղեկավարությունը այս ամենին ոչ մի մասնակցություն չունի, թեեւ հանրապետությունում հատկապես մասսայական սպորտի առաջին պատասխանատուն, որքան տեղյակ ենք, հենց Սպորտի եւ երիտասարդության հարցերի նախարարությունն է:
Ինչո՞ւ ենք այսպես մտածում: Որովհետեւ Հանրապետության հրապարակ նախարարությունից ոչ ոք չէր եկել: Մինչդեռ, ճիշտ կլիներ, եթե սպորտի պետական կառույցի գոնե մեկ լիազորված անձ ողջուներ եւ բարեմաղթանքի խոսք ասեր վազքարշավին մասնակցող առողջ ապրելակերպը նախընտրած մարդկանց:
Կարդացեք նաև
Աշոտ ՀԱԿՈԲՅԱՆ
