«Հանրային ցանցի» կրթության և գիտության, մշակույթի, սպորտի և երիտասարդության հարցերի հանձնաժողովի փորձագետները առաջ են քաշել նոր օրենք՝ «Հանրակրթության մասին ՀՀ օրենքում փոփոխություններ և լրացումներ կատարելու մասին»: Օրենքը սահմանում է, որ կրթության առանձնահատուկ պայմանների կարիք ունեցող անձի կամ երեխայի` թեթև, միջին և բարդ կատեգորիաների դասակարգումով պայմանավորված, պետք է որոշվի նրա հանրակրթական դպրոցում ուսուցումը կազմակերպելու հարցը, հակառակ պարագայում տուժելու է, թե այդ երեխայի և թե նրա շրջապատի երեխաների ուսման որակը, ինչպես նաև՝ ստեղծվելու է մյուս երեխաների շահերի խախտման նախապայման:
Այսօր, հուլիսի 4-ին, «Մեդիա կենտրոն»-ում լրագրողների հետ հանդիպման ժամանակ «Արազա» ԲՀԿ նախագահ Թամարա Աբրահամյանը նշեց, որ մենք հետևյալ խնդիրն ունենք՝ քաղաքացիական հասարակությունում ողջ հանրակրթական համակարգ ներդնելը: «Հասարակության մի հատված մտածում է, որ ներառական կրթությունը պետք է ողջ մշակած համակարգում չլինի, այսինքն՝ պետք է լինի այլընտրանքային ուսումնական հաստատություններում»,- ասում է Թ.Աբրահամյանը:
«Անի» հյուրանոցում քննարկման ժամանակ մի քանի դպրոցի տնօրեններ և ուսուցչական աշխատակազմը նկատեցին, որ ներառական կրթությունը հանրակրթական դպրոց մտցնելու պարագայում, կրթության որակի խնդիրներ են առաջանում»:
Մենք այսօր ունենք ներառական կրթական համակարգով դպրոցներ, բայց այդտեղի տնօրենները, ուսուցիչները օրենքի ուժով ցանկանում են իմանալ, որն է համապատասխան միջավայրը. «Գնահատել այդ միջավայրի բարդությունները, ծախսերը, մասնագետների պատրաստելը: Եվ բոլոր բարդությունները դրված են օրենքի տեսլականի մեջ»:
Կարդացեք նաև
ՀՀ Կրթության և գիտության հարցերի հանրակրթության վարչության պետ Նարինե Հովհաննիսյանը փաստում է, որ նախարարությունը սերտ կապերի հետ է հասարակական կազմակերպությունների հետ, և ողջունում է այս նախաձեռնությունը ևս. «Ներառական կրթության կազմակերպողգործընթացը սկսել ենք դեռևս 2005 թվականից: 2005 թվականից ներառական համակարգը կիրառվում է հայկական դպրոցներում: Ներառական դպրոցների թիվը շուրջ 90 է: Դրանց թիվը ցանկանում են հասցնել 150-ի»: Բանախոսը վստահեցնում է, որ հանրակրթական բոլոր դպրոցների դռները բաց են կրթության առանձնահատուկ պայմանների կարիք ունեցող երեխաների համար:
Ինչ վերաբերում է օրենքի փոփոխմանը, ապա այն կկատարվի, ու կիրականացվեն նաև օրենքի օրակարգում գրված փոփոխված դրույթները:
Նշենք, որ Ազգային ժողովը օրենքը ընդունել է առաջին ընթերցմամբ, իսկ «Հանրային ցանցը» սպասում է երկրորդ ընթերցմանը, որը կլինի շուտով:
Մելանյա ՀԱՐՈՒԹՅՈՒՆՅԱՆ
