Իրանի նորընտիր նախագահ Հասան Ռուհանին, նախագահի պաշտոնում Իրանի հոգեւոր առաջնորդ Ալի Համենեի կողմից հաստատվելուց հետո Արեւմուտքին կոչ է արել վերացնել Իրանի դեմ տնտեսական եւ այլ պատժամիջոցները:
Պարսկական աղբյուրների համաձայն նախագահն ասել է, որ եթե Արեմուտքը հարգվել է ուզում, ապա ինքը պիտի հարգի Իրանին:
Բրիտանական BBC-ին էլ հաղորդում է, որ նախագահը կողմ է արտահայտվել թափանցիկությանը: Հասան Ռուհանին խոստացել է ձեւավորել «Հույսի եւ խելքի կառավարություն»` զերծ անիրականալի ֆանտազիաներից:
ԱՄՆ-ը առայժմ միայն հույս է հայտնել, որ նոր նախագահը հանուն Իրանի եւ երկրի քաղաքացիների որոշումներ կընդունի: ԱՄՆ-ը պատրաստ է դառնալ Իրանի գործընկերը, եթե Իրանի իշխանությունը միջազգային հանրությանը ըստ էության վերաբերվի:
